Friday, May 29, 2009

အမွီ

ဒေဂနိန့် ကျွန်တော်ရို့တိကိုကြည့်ယင်းနန့် အနာဂါတ်မျိုးဆက်သစ်တိခရီးကိုတွေးဗျာလ် "အမွီ" ဆိုရေစကားလုံးချေတလုံးကို့ ဆန်းစစ်လေ့လာသင့်ဗျာလ်ဆိုစွာကို ရခိုင်သား/သမိန်းရို့အားလုံးငြင်းပယ်ဂတ်ဖို့မထင်။
အနာဂါတ်မျိုးဆက်သစ်သား/သမီးချေ တူ/တူမချေတိကိုဇာပိုင်အမွီပီးဂတ်ဖို့လဲ။

ပညာအမွီလား ဥစ္စာအမွီလား
ပညာအမွီပီးဖို့လလွယ်ချေလား။
ဒေဂနိန့် ရခိုင်ပြည်ပညာရေးလမ်းကြောင်းကိုကြည့်ဂတ်မယ်။
ဖုန်းကြီးကျောင်းပညာရေးကနောက်မှာကျန်လိုက်ဗျယ။် ဂနိန့်လိုက်စားနီဂတ်တေအစိုးရကျောင်းပညာရေးကိုကြည့်လိုက်ခါ ရွာတရွာမှာစာသင်ကျောင်းတကျောင်းကျစီမဟိ ဟိပြန်ကေလေ့သော့မူလတန်းဗျာ။ ရခိုင်ကျောင်းသားတယောက်စွာမူလတန်းပြီးဗျာလ်
အလယ်တန်းကျောင်းတတ်ချင်းလို့ ကြည့်ရေခါ အပါးချေမှာစာသင်ကျောင်းကားမဟိ။ ယင်းကြောင့်တချို့တိဆိုဂေ ၅/၆ မိုင်ခရီးကိုခြီနန့်လားဗျာလ်ကျောင်းတတ်ရယင့် ကျောင်းကပြန် ပင်ပန်းဗျာလ်စာမကျက်နိုင်ယာ စာကျက်ဖို့ပျင်ဂေမီးကမဟိ မိဘရို့ကသားချေစာကျက်ဖို့ဆီမီးခွက်ထွန်းပီးကေ သားချေကပင်ပန်းဗျာလ်အိပ်ငိုက်နီဗျာ။ ယေကေမိဘလုပ်ရေလူကအော်ဗျာမနားယေ"ရနံဆီအလကားရစွာထင်လားစသည်ဖြင့်။ အခက်ခဲမျိုးစုံကိုကြုံဂတ်ရပါရေ။
ယင်းပိုင်းယင်းပိုင်းနန့်ကျောင်းသားဘဝကိုစိတ်နာလခဗျာ။ ကောင်းကောင်းဝီရိယထက်သန်ရေရခိုင်ကျောင်းသားတချို့တိစွာ အထက်တန်းအဆင့်ကိုရောက်ကောင်းရောက်နိုင်လိမ့်မယ် အလယ်တန်းအဆင့်ကိုခက်ခက်ခဲခဲနန့်အောင်ပြီးလို့ အထက်တန်းအဆင့်ကိုတက်ဖို့ကြည့်ကေ ကိုယ်ပတ်ဝန်းကျင်မှာအထက်တန်းကျောင်းကားမဟိ။ ယေကေမြို့မှာကျောင်းတက်ဖို့ပြင်ဆင်ရဗျာလ်မနားယေ။ မြို့မှာကျောင်းတက်ဖို့ဆိုကေ မိဖရို့မှာဖေ့သာဂါးမဟိ တမိုးလုံးလုပ်ထားရေဆန်တစိနှစ်စိ ကုန်ဗျာလ်။ တချို့မိဖတိကတော ကုန်ကေလေးသော့ကုန်လီဖိ ငါ့သားချေပညာတက်ကေပြီးဗျာလ်ဆိုရေ စိတ်ဓါတ်ချေတလုံးနန့်အားစိုက်ပနာ သားချေပညာရေးကိုဦးစါးပီးလိုက်မယ်လို့စွန့်စားလိုက်တေ..။ မြို့မှာကျောင်းတက်ဗျာလ်။ စာကားတလုံးချေမရ ဇာကြောင့်လဲဆိုပါကေ ကျွန်းမှာကျောင်းတက်လာစွာအခြေခံကားမပါ။ ကျောင်းကားတက်ယင့်၁၀ တန်းမအောင်ရေကျောင်းသားကတပုံ
အောင်လာပြန်ကေ တက္ကသိုလ်ပညာရေးမှာ အမှတ်နန့်အဆင့်သက်မှတ်ထားဗျာလ်။ တက္ကသိုလ်ကလေ့ တပြည်လုံးပေါင်းမှရာ တခုတည်းရာဟိရေ။ ကျွန်းသားငမန်းမှာအမှတ်ကလည်းမကောင်း ယင်းပိုင်းဆိုကေ အဝီးသင်တက်ဖို့လုပ်ဗျာလ် မိဘတိက သားချေကျောင်းတက်ယင်း မျက်စိနီလခဗျာမဟိရေးစီးပွားရေအလုံးကုန်ပါဗျာလ်။ မထူးဗျာလ်သားချေပညာတက်ကေကောင်းပါဗျာလ်ဆိုပြီးစွန့်ရပါရေ..။ အဝီးသင်စဗျာလ် သုံးနှစ်တက်ပြီးလို့ ဘွဲ့ချေတခုရဗျာလ် ရလာရေဘွဲ့ကအနိမ့်ဆုံးဘွဲ့ ဘွဲ့တလုံးကိုကိုင်ဗျာလ် ရခိုင်သား/သမ အတွက်အလုပ်ကမဟိသိမ့်..။ အလုပ်ချေတခုရဖို့အစိုးရကိုဖေ့သာပီးရဗျာလ်မနားယေ။ အလုပ်ချေတခုရလာဗျာလ်။ အလုပ်မှာ မြန်မာ တိက အဓိကနီရာအားလုံးကိုမိုးထားဗျာလ်။
ယေကေ ရခိုင်သား/သမရိုမှာအလုပ်မှာအားလုံးကိုဆရာခေါ် (ဆရာခေါ်ဘွဲ့)။
ဥစ္စာအမွီပီးဖို့လလွယ်ချေလား
ဇာမှာလဲဥစ္စာ ရခိုင်ပြည်မှာရခိုင်ရို့တိတွက်အလုပ်ကားမဟိ အလုပ်မဟိကေဥစ္စာလည်းမဟိ။
'သယံဇာတပွားကြွေဝရေရခိုင်ပြည် " ယင်းစကားမှန်ပါရေ အမှန်ပင်သယံဇာတပွားကြွေဝရေရခိုင်ပြည်/ ယင်းသယံဇာတတိကိုကား ရခိုင်ကားမစားရ ပိုင်သျှင်ရို့ယူလားယင့် ရခိုင်တိအဝတ်တထည်တောင်ကောင်းကောင်းဝယ်မဝတ်နိုင်။ အယင့်အယင်းကFreedom Arakan ဒေဂနီန့် Narrow Arakan ဖြစ်နီဗျာလ်။ အနာဂါတ်မျိုးဆက်သစ်သား/သမီးချေ တူ/တူမချေတိကိုဒေဂနီန့် ကျွန်တော်ရို့ ခံနီရေအဖြစ်ဆိုတိကို လက်ဆင့်မကမ်းသင့်လို့အကျွန်တော်မြင်ပါရေ။
ရခိုင်သားရို့ အနာဂါတ်မျိုးဆက်သစ်သား/သမီးချေ တူ/တူမချေတိကိုဇာပိုင်အမွီပီးဂတ်ဖိုလဲ။
စဉ်းစားသင့်ပါယာ.. ဒေဂနိန့်ခံစားနီရရေ ဒုက္ခမျိုးစုံတိကိုလက်ဆင့်ကမ်းပစ်လိုက်ဖို့လား..ဇာအမွီးကိုပီးဂတ်ရဖို့လဲ..။
သူရို့တိပပျော်ရွင်ရွင်နန့်အနာဂတ်ခရီးကိုဖြတ်သန်းနိုင်ဖို့ freedom ဆိုရေအမွီရာအသင့်တော်ဆုံးဖြစ်ပါလိမ့်မည်..။

Ashon(အသျှင်)